Më 4 mars 2026, Programi SCPA organizoi Takimin e tretë të Këshillit Drejtues, duke bashkuar palët kryesore të interesuara institucionale të përfshira në zbatimin e aktiviteteve të programit.
Takimi u bashkëkryesua nga Z. Dhimitraq Ziu, Drejtor i Departamentit të Rendit dhe Sigurisë Publike në Policinë e Shtetit, dhe Z. Erik Illes, Zëvendës Shef i Misionit dhe Shef i Bashkëpunimit për Zhvillim në Ambasadën e Suedisë në Shqipëri.
Në takim morën pjesë drejtues së Policisë së Shtetit në fushat e rendit e sigurisë publike dhe trajnimit policor, si dhe përfaqësues nga Ministria e Shëndetësisë dhe Mbrojtjes Sociale, Agjencisw së Mbështetjes së Shoqërisë Civile dhe Shoqatës Kombëtare të Bashkive të Shqipërisë.
Në fjalën e tij, Z. Ziu theksoi angazhimin e vazhdueshëm të Policisë së Shtetit për zbatimin e filozofisë së policimit në komunitet dhe forcimin e bashkëpunimit me komunitetet për të rritur sigurinë publike. Ai theksoi aktivitetet e vazhdueshme të mbështetura nga programi në fusha të tilla si zbatimi i policimit në komunitet, përmirësimi i statistikave të rendit publik, siguria rrugore, lufta kundër dhunës në familje, ndërgjegjësimi i të rinjve në shkolla dhe përmirësimi i shërbimeve policore bazuar në gjetjet e anketave të zhvilluara nga programi.
Erik Illes nënvizoi mbështetjen e gjatë të Suedisë për Policinë e Shtetit në forcimin e sigurisë publike dhe policimit në komunitet, duke vënë në dukje rëndësinë e përshtatjes së rezultateve të programit për të mbështetur përparimin e Shqipërisë drejt anëtarësimit në Bashkimin Evropian.
Ansi Shundi, Drejtuesi i Ekipit të Menaxhimit të Programit SCPA, prezantoi progresin e programit gjatë semestrit të tretë dhe aktivitetet e planifikuara për periudhën e ardhshme. Anëtarët e Komitetit Drejtues diskutuan rëndësinë e bashkëpunimit të vazhdueshëm ndërinstitucional dhe miratuan unanimisht Raportin e Progresit të programit, duke konfirmuar angazhimin e tyre për bashkëpunim të mëtejshëm në forcimin e sigurisë publike në Shqipëri.
