Facebook-f X-twitter Instagram

Historiku

Historiku i Programit

Mbështetja e Agjencisë Suedeze për Bashkëpunim dhe Zhvillim Ndërkombëtar (Sida) udhëhiqet nga Strategjia për bashkëpunimin e reformave të Suedisë 2021–2027 për bashkëpunimin me Ballkanin Perëndimor dhe Turqinë, e cila i jep përparësi fushave si demokracia, sundimi i ligjit, barazia gjinore dhe shoqëritë gjithëpërfshirëse dhe paqësore. Një fokus kyç i planit të funksionimit të kësaj strategjie është policimi në komunitet, me synimin për të përmirësuar rritjen e rendit e sigurisë publike, parandalimin dhe zhvillimin e partneriteteve ndërmjet policisë dhe komuniteteve. Që nga viti 2012, Suedia ka mbështetur Ministrinë e Brendshme të Shqipërisë dhe Policinë e Shtetit në zhvillimin e policimit në komunitet nëpërmjet Programit Suedez për Forcimin e Policimit në Komunitet në Shqipëri. SIDA dhe Ambasada Suedeze në Shqipëri kanë ofruar mbështeje nëpërmjet këtij programi në dy faza të mëparshme. Faza e parë e programit (2012-2015) u fokusua në përmirësimin e shërbimeve të sigurisë publike, ndërtimin e besimit midis policisë dhe qytetarëve dhe forcimin e partneriteteve me komunitetin, veçanërisht me të rinjtë, ndërsa faza e dytë (2017–2022) u fokusua në përmirësimin e strukturës së policimit në komunitet të PSH-së, forcimin e partneriteteve vendore dhe ngritjen e kapaciteteve të stafit; mbështetjen e menaxhimit strategjik të PSH-së dhe zbatimin e Strategjisë së re të Sigurisë Publike; dhe rritjen e reagimeve ndaj dhunës në familje përmes zhvillimit të aftësive dhe koordinimit më të mirë midis PSH-së dhe palëve të tjera të interesuara për mbështetje të gjithanshme. Bazuar në interesin e shprehur nga pala përfituese e programit dhe në një vlerësim të jashtëm Qeveria Suedeze angazhoi fonde për fazën e tretë të programit me qëllim ofrimin e mbështetjes të vazhdueshme për reformat e policimit në komunitet, duke theksuar nevojën për ndryshime të sjelljes dhe kulturore brenda policisë dhe ndërtimin gradual të besimit në komunitet.

2012-2015

Programi SACP – Asistenca Suedeze për Policimin e Komunitetit - Faza I

Programi SACP filloi me periudhën fillestare në vitin 2012 dhe zgjati deri në vitin 2015. Faza e I-rë e SACP-së u hartua për të mbështetur Policimin në Komunitet në Shqipëri me Ministrinë e Brendshme dhe Policinë e Shtetit Shqiptar si përfitues kryesorë. Programi SACP ka ofruar asistencë në tre komponentë të ndërlidhur: I. Menaxhimi i Performancës; II. Partneriteti dhe Rinia dhe III. Dhuna në Familje. Programi mbështeti dhe bashkëpunoi ngushtë me përfituesit e tij për të arritur një shërbim policor që përqafoi plotësisht filozofinë e Policimit në Komunitet duke krijuar partneritete dhe sinergji midis grupeve të ndryshme, një komunitet që mbështeti rolin e ri të PSH-së dhe zhvilloi ekspertizë brenda MB-së për të vazhduar përpjekjet për zhvillimin e sistemit të performancës.

2017-2022

Programi SCPA – Mbështetja Suedeze për Policimin në Komunitet në Shqipëri - Faza II

Faza e dytë e programit filloi me periudhën fillestare në 2017 dhe zgjati deri në vitin 2022. SCPA – Faza II u hartua për të mbështetur Policimin në Komunitet në Shqipëri me Ministrinë e Brendshme dhe Policinë e Shtetit si përfituesit kryesorë. Faza e dytë njohu dhe vazhdoi mbështetjen mbi rezultatet e arritura nga faza e parë e SACP-së dhe synoi ndërtimin e besimit dhe partneritetit të ndërsjellë ndërmjet policisë dhe komuniteteve si qëllimin e tij parësor të Filozofisë së Policimit në Komunitet. Programi ofroi asistencë në tre shtylla të ndërlidhura: I. Mbështetja e Policimit në Komunitet në Drejtoritë e Policisë së Qarkut; II. Mbështetje për Menaxhimin Strategjik; III. Mbështetje për dhunën në familje. Programi bashkëpunoi me përfituesit e tij për të kontribuar në rritjen e partneritetit dhe nivelit të ndërveprimit ndërmjet aktorëve dhe komuniteteve të ndryshme për sigurinë dhe rendin në komunitetit; ka punuar me të gjithë elementët e DPV-ve përveçse edhe me policët e caktuar për PK; asistoi PSH-në për të zbatuar sistemin e menaxhimit strategjik që i mundësoi organizatës të gjurmojë performancën e tyre dhe të jetë në gjendje të vendosë në mënyrë strategjike burime të përshtatshme në një mënyrë efektive dhe efikase bazuar në zhvillimin e kapaciteteve të Monitorimit dhe Vlerësimit; mbështeti PSH-në për të rritur kapacitetin për t'iu përgjigjur më mirë rasteve të dhunës në familje dhe gjithashtu rriti koordinimin me palët e tjera të interesuara që merren me dhunën në familje.

2024-2029

Programi SCPA – Mbështetja Suedeze për Policimin në Komunitet në Shqipëri - Faza III

Faza e tretë e Programit të Policimit në Komunitet filloi më 20 qershor 2024, me një kohëzgjatje të planifikuar prej pesë vitesh. Kjo fazë përputhet me Strategjinë Ndërsektoriale për Sigurinë në Komunitet (2021-2026) dhe fokusohet në forcimin e strukturave policore për policimin në komunitet, rritjen e aftësive të Këshillave Vendore të Sigurisë Publike, rritjen e ndërgjegjësimit të komunitetit për çështjet e sigurisë dhe përmirësimin e bashkëpunimit midis të gjithë aktorëve për sigurinë e komunitetit.  Programi do të ofrojë asistencë në tre komponentë të ndërlidhur: I. Mbështetja e Policimit në Komunitet – Përmirësimi i efektivitetit të zbatimit të policimit në komunitet.  Ky komponent fokusohet në konsolidimin dhe zgjerimin e adoptimit të policimit në komunitet nga PSH-ja si një qasje. II. Analiza dhe Përgjegjshmëria e Policimit në Komunitet – Forcimi i përgjegjshmërisë dhe koordinimit të policisë, së bashku me aftësinë e analizës së policimit në komunitet. Komponenti i dytë vazhdon të zhvillojë një qasje të bazuar në të dhëna për policimin në komunitet në të gjithë PSH-në, ndërkohë që forcon lidhjet midis pjesëve të qeverisë me një përgjegjshmëri për të garantuar sigurinë publike, veçanërisht qeveritë vendore dhe KVSP-të. III. Përmirësimi i reagimeve të policisë ndaj prioriteteve të komunitetit, përfshirë dhunën në familje. Ky komponent përqendrohet të sigurojë që PSH-ja ka kapacitet të mjaftueshëm në temat specifike policore të dhunës në familje, sigurisë rrugore dhe angazhimit të të rinjve. Skema e Granteve - Ashtu si me fazat e mëparshme, programi do të ketë një komponent ndërsektorial të granteve, me qëllim për të përforcuar pjesëmarrjen e komunitetit dhe ndikimin mbi zhvillimin e qasjeve të policimit në komunitet.