Programi i Fazës së Tretë të Forcimit të Policimit në Komunitet në Shqipëri (SCPA) është një program i financuar nga Qeveria Suedeze në kuadrin e Strategjisë për bashkëpunimin e reformave të Suedisë me Ballkanin Perëndimor dhe Turqinë për periudhën 2021–2027, e menaxhuar nga Agjencia Suedeze për Bashkëpunim Ndërkombëtar për Zhvillim (SIDA) dhe zbatuar nga Cowater International Sweden AB. Faza III e Programit SCPA filloi zbatimin më 20 qershor 2024 dhe pritet të zgjasë pesë vjet, pra deri më 19 qershor 2029.

Programi është krijuar për të mbështetur dhe ndihmuar agjencitë kryesore të zbatimit të ligjit në Shqipëri, në veçanti Policinë e Shtetit (PSH) dhe Ministrinë e Brendshme (MB) si përfituesit kryesorë të programit. Gjithashtu, programi ofron asistencë dhe mbështetje teknike dhe bashkëpunon me pushtetin vendor, organizatat e shoqërisë civile dhe organizatat joqeveritare në të gjithë vendin. Gjatë zbatimit të tij Programi do të bashkëpunojë ngushtë me institucione të tjera përkatëse si Ministria e Shëndetësisë dhe Mbrojtjes Sociale, Ministria e Arsimit dhe Sportit, Avokati i Popullit dhe institucionet përkatëse akademike. 

Programi do të menaxhohet nga Ekipi i Menaxhimit të Programit (EMP), i përbërë nga ekspertë ndërkombëtarë dhe kombëtarë në fushën e policimit. EMP do të jetë përgjegjës për koordinimin dhe zbatimin operativ të programit. Përvoja e mëparshme profesionale e ekipit, njohuritë, kapacitetet dhe kualifikimet si në punën e përbashkët ashtu edhe me programin, në mënyrë unike do të kontribuojnë në zbatimin e mësimeve të nxjerra në fazën e tretë, duke çuar kështu në zbatimin e suksesshëm të programit. Ekipi i Menaxhimit të Programit do të mbështesë zbatimin e aktiviteteve të rënë dakord në Komitetin Drejtues të Programit (KDP) dhe të detajuara në praktikë me Policinë e Shtetit Shqiptar në Grupin e Përbashkët të Punës (GPP), i cili përbëhet nga specialistë të PSH-së (nga DPPSH-ja dhe në nivel Drejtorish Vendore të Policisë/Komisariatesh të Policisë) dhe ekspertët e EMP-së.