Në Elbasan u zhvillua një takim i KVSP, me pjesëmarrjen e Kryetarit të Bashkisë, Gledian Llatja, Zëvendësministres së Punëve të Brendshme, Anisa Ruseti, Prefektit Ilir Bejtja, Drejtorit të Policisë Fatmir Hoxha, drejtuesit të Prokurorisë Kreshnik Ajazi, Programi SCPA si dhe përfaqësuesve të institucioneve vendore, arsimit, shoqërisë civile dhe medias. Z. Llatja theksoi se dizinformimi në rrjetet sociale luftohet me besim qytetar, bashkëpunim institucional dhe investim tek të rinjtë, duke vlerësuar rolin e Këshillit në përfshirjen e tyre në çështjet e sigurisë. Znj. Ruseti e vlerësoi Elbasanin si model bashkëpunimi ndër 61 bashkitë, që ka parandaluar raste rrezikshme për komunitetin, ndërsa njoftoi se Ministria po harton Strategjinë e re të Sigurisë Publike. U diskutuan gjithashtu masat e Paketës së Sigurisë në Shkolla 2026–2027 dhe u prezantua aplikacioni “Raporto Tani” për raportimin e rasteve problematike dhe mbrojtjen e fëmijëve. Takimi u mbyll me angazhimin për forcimin e bashkëpunimit ndërinstitucional, duke e konfirmuar edhe një herë KVSP e Elbasanit si model suksesi.  

On 30th July 2026, a working group meeting was held with a group of representatives consisting of Community Police officers ( CPOs)/ Criminal Police officers (CIDs), during which the new risk assessment form for victims of violence was tested. The discussions focused on the practical applicability of the form, the clarity of the questions and risk indicators, the assessment methodology, and the need to unify the practices for its use by the responsible structures. Participants shared concrete comments and suggestions for improving the form, with the aim of enabling it to provide as accurate an identification of the risk level as possible and to support the timely adoption of protective measures for victims.  

Më 15 korrik 2026, në Bashkinë Shijak u zhvillua mbledhja e Këshillit Vendor për Sigurinë Publike (KVSP), me pjesëmarrjen e përfaqësuesve të Ministrisë së Brendshme, Prefekturës së Qarkut Durrës, Bashkisë Shijak, Policisë së Shtetit, institucioneve arsimore dhe Programit Forcimi i Policimit në Komunitet në Shqipëri (SCPA). Në fokus të takimit ishin prioritetet e sigurisë gjatë sezonit veror, përgatitjet për fillimin e vitit të ri shkollor dhe forcimi i bashkëpunimit ndërinstitucional në kuadër të Strategjisë së re të Sigurisë Publike. Në hapje të takimit, Kryetari i Bashkisë Shijak, z. Elton Arbana, vlerësoi funksionimin e KVSP-së si një mekanizëm efektiv koordinimi ndërinstitucional dhe rikonfirmoi se shqetësimet e identifikuara nga Sistemi i Matjes së Sigurisë në Komunitet (SMSK) në lidhje me sigurinë rrugore dhe uljen e shpejtësisë së automjeteve janë adresuar përmes ndërhyrjeve konkrete të bashkisë dhe institucioneve përgjegjëse. Zv. Ministrja e Brendshme dhe Kryetarja e Këshillit Kombëtar për Sigurinë Publike, znj. Anisa Ruseti, vlerësoi rezultatet shumë pozitive të Bashkisë Shijak në SMSK 2025, duke theksuar se bashkia renditet ndër më të mirat në nivel kombëtar për perceptimin e sigurisë dhe besimin e qytetarëve ndaj institucioneve. Ajo theksoi rëndësinë që, përpara fillimit të vitit të ri shkollor, të verifikohet funksionimi i kamerave të sigurisë dhe prania e oficerëve të sigurisë në shkolla, në bashkëpunim me strukturat e arsimit dhe Ministrinë e Arsimit. Prefekti i Qarkut Durrës, z. Adrian Gurra, theksoi se problematikat e ngritura pasqyrojnë sfidat e një bashkie në zhvillim dhe nënvizoi se adresimi i tyre kërkon një koordinim të vazhdueshëm ndërmjet institucioneve qendrore dhe vendore. Ai shprehu mbështetjen e plotë të Prefekturës për forcimin e funksionimit të KVSP-ve dhe bashkëpunimit ndërinstitucional. Në vijim, Shefi i Komisariatit të Policisë Shijak prezantoi prioritetet operative për periudhën në vijim, duke theksuar nevojën për rritjen e masave parandaluese ndaj zjarreve gjatë sezonit veror, si dhe forcimin e kontrollit për parandalimin e kultivimit të lëndëve narkotike. Në emër të Programit SCPA, z. Ansi Shundi, Drejtues i Ekipit të Menaxhimit të Projektit ‘Forcimi i Policimit në Komunitet në Shqipëri’, solli në vëmendje disa sfida që po marrin rëndësi në nivel kombëtar, si siguria kibernetike e fëmijëve, bullizmi në rrjetet sociale dhe siguria rrugore e të miturve. Ai propozoi organizimin, në bashkëpunim me Bashkinë Shijak, Policinë e Shtetit dhe institucionet arsimore, të aktiviteteve ndërgjegjësuese gjatë muajit shtator për promovimin e kulturës së sigurisë tek fëmijët dhe të rinjtë, përfshirë demonstrime praktike mbi rëndësinë e përdorimit të rripit të sigurimit dhe sjelljes së sigurt në rrugë. Gjatë diskutimeve, anëtarët e KVSP-së ngritën si çështje prioritare menaxhimin e mbetjeve, ndotjen e mjedisit dhe nevojën për vijimin e masave parandaluese për ruajtjen e standardeve të larta të sigurisë në Bashkinë Shijak. Në përfundim, pjesëmarrësit ranë dakord të vijojnë koordinimin ndërinstitucional për zbatimin e masave prioritare dhe për forcimin e rolit të KVSP-së në planifikimin dhe monitorimin e sigurisë në komunitet. Për Programin SCPA, ky takim përfaqëson një hap të rëndësishëm në institucionalizimin e përdorimit të evidencave në vendimmarrje, duke siguruar që gjetjet e Sistemit të Matjes së Sigurisë në Komunitet të diskutohen në nivel vendor dhe të shërbejnë si bazë për hartimin e prioriteteve, planeve vendore të masave dhe politikave të policimit në komunitet.  

Më 9 korrik 2026, Instituti për Zhvillim Strategjik (IZHS) zhvilloi një takim informues dhe ndërgjegjësues me gra dhe vajza të komunitetit pranë Qendrës Kombëtare Multidisiplinare, në Njësinë Administrative nr. 9, Tiranë. Aktiviteti synoi të rrisë njohuritë e pjesëmarrëseve mbi format e dhunës në familje dhe dhunës me bazë gjinore, shenjat e hershme të saj, si dhe mekanizmat e disponueshëm për raportim, mbrojtje dhe mbështetje. Një vëmendje e veçantë iu kushtua edhe formave të dhunës të lehtësuara nga teknologjia, të cilat mund të ushtrohen përmes telefonit, mesazheve, platformave digjitale dhe rrjeteve sociale. Pjesëmarrëset u njohën gjithashtu me zhvillimet e fundit të kuadrit ligjor, të drejtat e viktimave, shërbimet mbështetëse dhe institucionet përgjegjëse për trajtimin, referimin dhe ndjekjen e rasteve. Informacioni u përcoll përmes situatave konkrete, me qëllim që njohuritë ligjore dhe institucionale të përktheheshin në orientime të qarta dhe të përdorshme: si të identifikohen shenjat e dhunës, kur duhet kërkuar ndihmë dhe ku mund të drejtohen gratë dhe vajzat për mbrojtje dhe mbështetje. Aktiviteti u organizua në kuadër të projektit “Vendimmarrja që Mbron – Forcimi i reagimit policor dhe standardit profesional në trajtimin e dhunës në familje dhe me bazë gjinore”, të zbatuar nga Instituti për Zhvillim Strategjik, në kuadër të Skemës së Granteve të Programit SCPA “Forcimi i Policimit në Komunitet në Shqipëri”.  

Më 2 korrik 2026, në Bashkinë Durrës u zhvillua mbledhja e Këshillit Vendor për Sigurinë Publike (KVSP), me pjesëmarrjen e Zv. Ministres së Brendshme dhe Kryetares së Këshillit Kombëtar për Sigurinë Publike, znj. Anisa Ruseti, Kryetares së Bashkisë Durrës, znj. Emiriana Sako, përfaqësuesve të Policisë së Shtetit, institucioneve vendore dhe Programit SCPA. Takimi u fokusua në analizën e situatës së sigurisë në bashki dhe forcimin e koordinimit ndërinstitucional për adresimin e prioriteteve të komunitetit. Në fjalën e saj përshëndetëse, Zv. Ministrja e Brendshme dhe Kryetarja e Këshillit Kombëtar për Sigurinë Publike, znj. Anisa Ruseti, theksoi rëndësinë e forcimit të rolit të Këshillave Vendorë për Sigurinë Publike si mekanizma të koordinimit ndërinstitucional, duke nënvizuar se siguria në komunitet është një përgjegjësi e përbashkët e institucioneve qendrore dhe vendore dhe se planifikimi i masave duhet të mbështetet në analiza, evidenca dhe bashkëpunim të vazhdueshëm ndërinstitucional. Kryetarja e Bashkisë Durrës, znj. Emiriana Sako, rikonfirmoi angazhimin e bashkisë për të vijuar bashkëpunimin e ngushtë me Policinë e Shtetit dhe institucionet e tjera përgjegjëse në zbatimin e masave për rritjen e sigurisë dhe përmirësimin e cilësisë së jetës së qytetarëve. Ajo vlerësoi KVSP si një mekanizëm të rëndësishëm për koordinimin e veprimeve ndërinstitucionale dhe adresimin e prioriteteve të sigurisë në nivel vendor. Gjatë takimit u prezantuan rezultatet e Sistemit të Matjes së Sigurisë në Komunitet (SMSK) 2025, të cilat evidentojnë nivele të larta besimi të qytetarëve ndaj Policisë së Shtetit, kriminalitet të ulët të raportuar, si edhe identifikojnë prioritetet kryesore për ndërhyrje, ndër të cilat menaxhimi i trafikut dhe parkimeve, përmirësimi i ndriçimit dhe sigurisë në hapësirat publike, si dhe forcimi i sigurisë pranë shkollave. Diskutimet u fokusuan në mënyrën se si këto gjetje do të përkthehen në masa konkrete përmes bashkëpunimit të institucioneve anëtare të KVSP. Në përfundim, anëtarët e KVSP ranë dakord që gjetjet e SMSK të shërbejnë si bazë për përditësimin e Planit Vendor të Masave, duke përcaktuar veprime konkrete dhe përgjegjësi të qarta për secilin institucion. Takimi rikonfirmoi rëndësinë e bashkëpunimit ndërinstitucional dhe të përdorimit të të dhënave në planifikimin e politikave dhe masave për një komunitet më të sigurt. Për Programin SCPA, ky takim përfaqëson një hap të rëndësishëm në institucionalizimin e përdorimit të evidencave në vendimmarrje, duke siguruar që gjetjet e Sistemit të Matjes së Sigurisë në Komunitet të diskutohen në nivel vendor, të integrohen në konsultimet e KVSP dhe të shërbejnë si bazë për hartimin e politikave të policimit në komunitet dhe planeve vendore të veprimit.  

Qendra Kulturore Multifunksionale Antigone realizoi më 25 qershor 2026, në Libohovë shfaqjen teatrore shëtitëse të përgatitur dhe interpretuar nga të rinjtë, duke përcjellë mesazhe të rëndësishme mbi parandalimin e bullizmit në shkolla dhe komunitet. Shfaqja u prit me shumë entuziazëm nga publiku, duke marrë duartrokitje të vazhdueshme pas secilit prej tre akteve. Rreth 50 pjesëmarrës, ndër ta nxënës, prindër, mësues, punonjës socialë dhe psikologë, e ndoqën me interes dhe vëmendje këtë aktivitet. Në përfundim të shfaqjes, pjesëmarrësit u përfshinë në një bashkëbisedim të hapur me aktorët dhe organizatorët, ku ndanë mendime dhe vlerësime pozitive për trajtimin e temës së bullizmit, një fenomen shqetësues që vazhdon të ndikojë tek fëmijët dhe të rinjtë, por që shpesh mbetet i nënvlerësuar në shoqërinë shqiptare. Shfaqjet e grupit të teatrit lëvizës do të vijojnë edhe në bashki të tjera të qarkut të Gjirokastrës, me synimin për të rritur ndërgjegjësimin dhe për të nxitur reagimin e komunitetit ndaj kësaj problematike. Ky aktivitet u zhvillua në kuadër të projektit “Nga ndërgjegjësimi te veprimi: Parandalimi i kulturës së bullizmit në shkolla dhe në komunitet”, i cili zbatohet me mbështetjen e Skemës së Granteve të Programit SCPA.  

Në kuadër të Skemës së Grantve të Programit SCPA, më 19 qershor 2026, organizata “Gruaja tek Gruaja” zhvilloi një takim me anëtarët e Mekanizmit të Koordinuar të Referimit (MKR) në Bashkinë Malësi e Madhe. Takimi kishte si qëllim vlerësimin e funksionimit të mekanizmit gjatë gjashtëmujorit të parë të vitit 2026, evidentimin e praktikave të mira të bashkëpunimit dhe identifikimin e sfidave për përmirësimin e tij. Në aktivitet morën pjesë përfaqësues të institucioneve anëtare të MKR-së, përfshirë Koordinatoren Vendore për Dhunën në Familje, Policinë e Shtetit dhe përfaqësues të njësive administrative. Gjatë diskutimeve u vlerësua pozitivisht bashkëpunimi ndërinstitucional dhe koordinimi efektiv në identifikimin, referimin dhe menaxhimin në kohë të rasteve të dhunës në familje dhe dhunës me bazë gjinore. Ndër sfidat kryesore u evidentua mungesa e burimeve njerëzore në disa njësi administrative. Pjesëmarrësit vlerësuan gjithashtu rëndësinë e trajnimeve të zhvilluara dhe shprehën nevojën për vazhdimësinë e tyre, si dhe për përditësimin e njohurive mbi ndryshimet ligjore dhe procedurat e MKR-së. Takimi përfundoi me konfirmimin e funksionimit efektiv të mekanizmit dhe me angazhimin për forcimin e mëtejshëm të bashkëpunimit ndërinstitucional dhe kapaciteteve profesionale të anëtarëve.  

Për shumë të rinj, kontakti i parë me forma të ndryshme të dhunës nuk ndodh në institucione apo në situata ekstreme. Ai mund të shfaqet në klasë, në grupet e shoqërisë, në rrjetet sociale apo në marrëdhënie që në pamje të parë duken të zakonshme. Pikërisht për këtë arsye, aftësia për të njohur shenjat e hershme të dhunës dhe për të reaguar ndaj tyre është një element thelbësor i parandalimit. Gjatë një sesioni të zhvilluar me nxënësit e Shkollës 9-vjeçare “Lidhja e Prizrenit”, diskutimi u përqendrua tek sfidat me të cilat përballen të rinjtë sot, duke përfshirë bullizmin, bullizmin kibernetik, sigurinë digjitale, marrëdhëniet e shëndetshme dhe format e ndryshme të dhunës që mund të ndikojnë në mirëqenien dhe zhvillimin e tyre. Përtej informacionit teorik, vëmendja u përqendrua tek situatat konkrete që të rinjtë hasin në përditshmëri dhe tek mënyrat se si mund të kërkojnë mbështetje kur përballen me to. Përvoja tregon se të rinjtë janë shpesh të aftë të identifikojnë sjelljet problematike, por jo gjithmonë ndihen të sigurt për t’i raportuar ato ose për të kërkuar ndihmë. Kjo e bën veçanërisht të rëndësishme krijimin e hapësirave ku ata mund të flasin hapur, të shtrojnë pyetje dhe të marrin informacion të besueshëm mbi mekanizmat e mbrojtjes që kanë në dispozicion. Aktiviteti u zhvillua nga Instituti për Zhvillim Strategjik (IZHS), në kuadër të projektit “Vendimmarrja që Mbron – Forcimi i reagimit policor dhe standardit profesional në trajtimin e dhunës në familje dhe me bazë gjinore”, në kuadër të Skemës së Granteve të Programit SCPA.

Më 09-10 qershor 2026, Oficerë të Patrullës së Përgjithshme dhe personel nga Salla e Komandës dhe Kontrollit të Komisariatit të Policisë Tropojë (DVP Kukës) morën pjesë në trajnimin e zhvilluar nga Ekipi i Menaxhimit të Programit SCPA.  Gjatë këtij trajnimi pjesëmarrësit u njohën si me pjesën teorike ashtu edhe me ushtrimet praktike dhe me punën në grup, duke u fokusuar në filozofinë e Policimit në Komunitet dhe zbatimin e elementeve të saj në punën e përditshme të oficerëve të Policisë së Shtetit. Gjithashtu, atyre iu prezantuan situata/ushtrime praktike për t’u trajtuar dhe zgjidhur prej tyre teksa punuan në grup me synimin për të siguruar masat që duhen marrë në mënyrë proaktive për zbatimin e elementeve të Policimit në Komunitet. Vëmendje e veçantë iu kushtua trajtimit të rasteve të Dhunës në Familje si në aspektin teorik ashtu edhe atë praktik. Praktikat më të mira të BE-së për zbatimin e filozofisë së PK u ndanë e shkëmbyen me oficerët e PSH. Në përfundim të këtij trajnimi, oficerët e PSH arrijnë të përmirësojnë njohuritë dhe kapacitetet e tyre për zbatimin e Policimit në Komunitet.

Më 3 qershor 2026, shoqata “Unë, Gruaja” zhvilloi një sesion informues me nxënësit e gjimnazit “Nefail Rozani” në Podgorie, Maliq me fokus rreziqet e dhunës dixhitale dhe mbrojtjen në hapësirën online. Në aktivitet morën pjesë nxënës, stafi pedagogjik i shkollës, përfaqësues të Policisë së Shtetit, specialistë të Njësisë së Mbrojtjes së Fëmijëve, specialistë të shërbimeve sociale dhe përfaqësues të shoqatës “Unë, Gruaja”. Aktiviteti u zhvillua në kuadër të projektit “Parandalojmë dhunën në familje përmes koordinimit institucional”. Gjatë diskutimeve u trajtuan rreziqet që lidhen me përdorimin e pakontrolluar të rrjeteve sociale, mekanizmat e raportimit të rasteve të dhunës online dhe roli i institucioneve në identifikimin dhe trajtimin e tyre. Nxënësit u informuan mbi rëndësinë e mbrojtjes së të dhënave personale dhe përdorimit të sigurt të internetit.