Një takim ndërgjegjësues me të rinjtë u zhvillua më 3 dhjetor 2025  në shkollën e mesme “Sherif Hoxha” në Koplik, Malësi e Madhe, nga “Gruaja tek Gruaja” në kuadër të Skemës së Granteve të Programit SCPA dhe u realizua si pjesë e Fushatës së 16 Ditëve të Aktivizmit kundër Dhunës me Bazë Gjinore. Aktiviteti synoi t’u ofronte nxënësve një kuptim më të gjerë të policimit në komunitet dhe rolit të tyre në rritjen e sigurisë. Gjatë takimit, nxënës të vitit të parë u njohën me parimet e policimit komunitar dhe më pas punuan në grupe për të analizuar situata që lidhen me konfliktet mes të rinjve, sigurinë pranë shkollës, gjuhën e urrejtjes online dhe perceptimet ndaj policisë. Ata përcaktuan aktorët kyç për menaxhimin e këtyre situatave dhe propozuan forma konkrete bashkëpunimi mes shkollës, prindërve, policisë dhe vetë të rinjve. Reflektimet e nxënësve treguan angazhim dhe ndërgjegjësim të lartë: disa theksuan se veprimet e vogla mund të sjellin ndryshim real në komunitet, të tjerë u shprehën se komunikimi i hapur e bën më të lehtë gjetjen e zgjidhjeve, ndërsa disa ngritën shqetësimin se komentet e pamenduara në internet shpesh e rëndojnë situatën, duke nënvizuar nevojën për edukim mbi sjelljen online. Nxënësit shprehën gjithashtu interes për trajnime praktike me policinë dhe hapësira të rregullta dialogu brenda shkollës.  

Me iniciativën e Ministrisë së Brendshme dhe me mbështetjen e Programit Suedez: ‘Forcimi i Policimit në Komunitet në Shqipëri’ (SCPA), një aktivitet i veçantë ndërgjegjësimi u organizua më 5 dhjetor 2025 në kuadër të 16 Ditëve të Aktivizmit kundër Dhunës me Bazë Gjinore. Aktiviteti mblodhi së bashku përfaqësues nga agjencitë ligjzbatuese të Shqipërisë, si Ministria e Brendshme (Drejtoria e Përgjithshme e Zhvillimit për Migracionin dhe Azilin), Policia e Shtetit Shqiptar (Departamenti për Sigurinë Publike dhe Drejtoria e Hetimit të Krimeve Kibernetike), Qendra e Koordinimit Kundër Ekstremizit të Dhunshëm (CVE), Bashkia e Tiranës dhe institucione të tjera publike, organizata të shoqërisë civile (organizata ‘Gruaja te Gruaja’ si përfituese granti në Programin SCPA), dhe organizata ndërkombëtare (UN Women, UNDP, UNCHR, OSBE, IOM dhe Delegacioni i BE-së në Shqipëri) të bashkuara në angazhimin e tyre për të parandaluar dhe eliminuar dhunën dixhitale ndaj të gjitha grave dhe vajzave. Diskutimet kryesore u përqendruan në forcimin e bashkëpunimit ndërinstitucional për të identifikuar, parandaluar dhe reaguar ndaj dhunës online; Adresimin e abuzimit online, përndjekjes kibernetike dhe kërcënimeve të tjera dixhitale që kanë  si shenjestër gratë dhe vajzat; Përmirësimin e mbrojtjes ligjore dhe përmirësimin e Kodit të ri Penal për të adresuar më mirë ngacmimin online, përndjekjen dhe dhunën psikologjike; Përgjegjësinë e kompanive të teknologjisë për të krijuar mjedise online më të sigurta. Ministrja e Brendshme theksoi faktin se një betejë e tillë e përbashkët mund të fitohet nëpërmjet ndërgjegjësimit, edukimit, respektit dhe gjuhës që zgjedhim të përdorim në hapësirën dixhitale.  

Më 03-04 dhjetor 2025, grupi i tretë i Oficerëve të Patrullës së Përgjithshme dhe personeli i Sallës së Komandës dhe Kontrollit të DVP Vlorë morën pjesë në trajnimin e zhvilluar nga Ekipi i Menaxhimit të Programit SCPA në ambientet e DVP Vlorë. Gjatë këtij trajnimi pjesëmarrësit u njohën si me pjesën teorike ashtu edhe me ushtrimet praktike dhe me punën në grup, duke u fokusuar në filozofinë e Policimit në Komunitet dhe zbatimin e elementeve të saj në punën e përditshme të oficerëve të Policisë së Shtetit. Gjithashtu, atyre iu prezantuan situata/ushtrime praktike për t’u trajtuar dhe zgjidhur prej tyre teksa punuan në grup me synimin për të siguruar masat që duhen marrë në mënyrë proaktive për zbatimin e elementeve të Policimit në Komunitet. Vëmendje e veçantë iu kushtua trajtimit të rasteve të Dhunës në Familje si në aspektin teorik ashtu edhe atë praktik. Me qëllim për të ofruar module trajnimi gjithëpërfshirëse, ekipi i Programit SCPA bashkëpunoi me Qendrën e Koordinimit Kundër Ekstremizmit të Dhunshëm, ekspertët e së cilës ofruan  leksione ndërvepruese mbi luftën kundër ekstremizmit të dhunshëm. Praktikat më të mira të BE-së për zbatimin e filozofisë së PK-së u ndanë e shkëmbyen me oficerët e PSH. Në përfundim të këtij trajnimi, oficerët e PSH arrijnë të përmirësojnë njohuritë dhe kapacitetet e tyre për zbatimin e Policimit në Komunitet.  

Forumi i Gruas Elbasan, me datën 25 Nëntor 2025 startoi fushatën e 16 ditëve kundra dhunës me bazë gjinore në sheshin “Gensher” së bashku me Komisariatin e Policinë, Bashkinë, Shëndetësin, Arsimin dhe institucionet e tjera vendore antare të MKR-së të Bashkisë Elbasan. Gjatë aktivitetit qytetarëve u shpërndan fletë palosje dhe materiale të tjera ndërgjegjësimi për dhunën me bazë gjinore dhe u informuan qytetarët sidomos dhunën dixhitale. Ky aktivitet u zhvillua në kuadër të projektit “Partneritteti mes Policisë së Shtetit, aktorëve lokal dhe komunitetit në lidhje me Dhunën në Familje dhe Dhunën me Bazë Gjinore, në Qarkun Elbasan”, mbështetur nga programi “Forcimi i Policimit në Komunitet në Shqipëri” (SCPA).

Programi “Forcimi i Policimit në Komunitet në Shqipëri” (SCPA), në bashkëpunim me Drejtorinë e Hetimit të Krimeve Kibernetike të Policisë së Shtetit, zhvilloi më 25 dhe 27 nëntor 2025 trajnimin me temë “Krimi dhe dhuna kibernetike”, me dy grupe të veçanta të Ndihmës Specialistëve për Edukimin në Shkolla dhe Punën me të Rinjtë. Trajnimi u zhvillua në formë ndërvepruese dhe bashkëbisedimi, ku drejtuesja dhe ekspertë të strukturës së Krimeve Kibernetike ndanë njohuri dhe përvoja profesionale mbi sigurinë online. Pjesëmarrësit patën mundësi të njihen dhe të diskutojnë hapur mbi raste konkrete të krimit dhe dhunës kibernetike, si dhe mënyrat efektive të reagimit dhe raportimit pranë strukturave ligjzbatuese. Qëllimi i trajnimit ishte rritja e kapaciteteve të Ndihmës Specialistëve për Edukimin në Shkolla dhe Punën me të Rinjtë, duke i pajisur ata me njohuritë e nevojshme për të vepruar si trajnerë dhe faktorë kyç në informimin dhe ndërgjegjësimin e të rinjve në shkolla dhe komunitete mbi rreziqet e hapësirës digjitale. Kjo nismë synon forcimin e sigurisë online dhe rritjen e mbrojtjes së të rinjve ndaj kërcënimeve kibernetike.  

Më datë 27 nëntor 2025, në ambientet e Shkollës 9-vjeçare “Naum Kaçaku” në Njësinë Administrative Portëz, Fier, u zhvillua Panairi i Sigurisë Digjitale, një aktivitet edukues dhe sensibilizues i organizuar në kuadër të 16 Ditëve të Aktivizmit kundër Dhunës ndaj Grave dhe Vajzave. Gjatë aktivitetit, nxënësit morën pjesë në një seri aktivitetesh informuese dhe praktike, ku mësuan rreth sigurisë në internet, mbrojtjes së të dhënave personale, identifikimit të rreziqeve online si mashtrimet, bullizmi digjital dhe kontaktet e rrezikshme, si dhe mënyrave të duhura për të reaguar në situata të dyshimta. Aktivitetet ishin konceptuar që fëmijët të mësojnë përmes lojërave, demonstrimeve dhe ushtrimeve praktike, duke e bërë procesin edukativ më të thjeshtë, të qartë dhe tërheqës. Në kuadër të panairit, nxënësit realizuan edhe vizatime me temën “Pema e Sigurisë Digjitale”, ku vendosën mesazhe sensibilizuese dhe këshilla praktike për një përdorim të sigurt të internetit. Ky panair synoi të rrisë ndërgjegjësimin e të rinjve për krijimin e një mjedisi më të sigurt, jo vetëm në hapësirat digjitale, por edhe në komunitetin e tyre. Përfshirja aktive e nxënësve përbën një hap të rëndësishëm drejt promovimit të sjelljeve të sigurta, parandalimit të dhunës dhe forcimit të bashkëpunimit midis shkollës, komunitetit dhe institucioneve lokale.

Më 19-21 nëntor 2025, grupi i dytë i Oficerëve të Patrullës së Përgjithshme dhe personeli i Sallës së Komandës dhe Kontrollit të DVP Vlorë morën pjesë në trajnimin e zhvilluar nga Ekipi i Menaxhimit të Programit SCPA në ambientet e DVP Vlorë. Gjatë këtij trajnimi pjesëmarrësit u njohën si me pjesën teorike ashtu edhe me ushtrimet praktike dhe me punën në grup, duke u fokusuar në filozofinë e Policimit në Komunitet dhe zbatimin e elementeve të saj në punën e përditshme të oficerëve të Policisë së Shtetit. Gjithashtu, atyre iu prezantuan situata/ushtrime praktike për t’u trajtuar dhe zgjidhur prej tyre teksa punuan në grup me synimin për të siguruar masat që duhen marrë në mënyrë proaktive për zbatimin e elementeve të Policimit në Komunitet. Vëmendje e veçantë iu kushtua trajtimit të rasteve të Dhunës në Familje si në aspektin teorik ashtu edhe atë praktik. Me qëllim për të ofruar module trajnimi gjithëpërfshirëse, ekipi i Programit SCPA bashkëpunoi me Qendrën e Koordinimit Kundër Ekstremizmit të Dhunshëm, ekspertët e së cilës ofruan  leksione ndërvepruese mbi luftën kundër ekstremizmit të dhunshëm. Praktikat më të mira të BE-së për zbatimin e filozofisë së PK-së u ndanë e shkëmbyen me oficerët e PSH. Në përfundim të këtij trajnimi, oficerët e PSH arrijnë të përmirësojnë njohuritë dhe kapacitetet e tyre për zbatimin e Policimit në Komunitet.

Më 11-13 nëntor 2025, Oficerët e Patrullës së Përgjithshme dhe personeli i Sallës së Komandës dhe Kontrollit të DVP Vlorë morën pjesë në trajnimin e zhvilluar nga Ekipi i Menaxhimit të Programit SCPA në ambientet e Komisariatit të Policisë Sarandë. Gjatë këtij trajnimi pjesëmarrësit u njohën si me pjesën teorike ashtu edhe me ushtrimet praktike dhe me punën në grup, duke u fokusuar në filozofinë e Policimit në Komunitet dhe zbatimin e elementeve të saj në punën e përditshme të oficerëve të Policisë së Shtetit. Gjithashtu, atyre iu prezantuan situata/ushtrime praktike për t’u trajtuar dhe zgjidhur prej tyre teksa punuan në grup me synimin për të siguruar masat që duhen marrë në mënyrë proaktive për zbatimin e elementeve të Policimit në Komunitet. Vëmendje e veçantë iu kushtua trajtimit të rasteve të Dhunës në Familje si në aspektin teorik ashtu edhe atë praktik. Me qëllim për të ofruar module trajnimi gjithëpërfshirëse, ekipi i Programit SCPA bashkëpunoi me Qendrën Kundër Ekstremizmit të Dhunshëm, ekspertët e së cilës ofruan leksione ndërvepruese mbi luftën kundër ekstremizmit të dhunshëm. Praktikat më të mira të BE-së për zbatimin e filozofisë së PK-së u ndanë e shkëmbyen me oficerët e PSH. Në përfundim të këtij trajnimi, oficerët e PSH arrijnë të përmirësojnë njohuritë dhe kapacitetet e tyre për zbatimin e Policimit në Komunitet.  

Më 11 Nëntor 2025, Epoka e Re, në kuadrin e skemës së granteve të Programit SCPA, zhvilloi workshopin e rradhës në Bashkinë Mallakastër me pjesëmarrjen e drejtuesve të drejtorive të Arsimit, Shërbimit Social, Emergjencave Civile, Policisë Bashkiake dhe Infrastrukturës, si dhe me praninë e Nënkryetares së Bashkisë znj. Etilda Disha dhe përfaqësuesve të Komisariatit të Policisë Mallakastër. Në këtë takim u prezantuan gjetjet e studimit mbi sigurinë publike dhe u diskutua mbi problematikat konkrete që bashkia ka hasur gjatë kësaj periudhe. Workshopi shërben si fazë përgatitore për mbledhjen e radhës të Këshillit Vendor për Siguri Publike (KVSP), duke forcuar bashkëpunimin ndërmjet institucioneve për një komunitet më të sigurt.  

Qendra Kombëtare për Shërbime Komunitare (NCCS), grantmarrëse në raundin e parë të skemës së granteve, zhvilloi më 7–8 Nëntor 2025 në Portëz, Fier, trajnimin e parë dyditor në kuadër të projektit “Rritja e eficencës dhe cilësisë së shërbimit për viktimat e DHF dhe DHBGJ.” Ky trajnim u dedikua grave dhe vajzave, duke u ofruar njohuri dhe aftësi praktike për punësim, zhvillim profesional dhe pavarësi ekonomike, një hap konkret drejt fuqizimit të grave dhe përfshirjes së tyre aktive në komunitet. Ky aktivitet u zhvillua në kuadër të projektit “Rritja e cilesise se sherbimit për viktimat e DHBGJ” që po zbatohet nga Shoqata QKSHK, grantmarrëse e raundit të parë të Skemës së Granteve.