Më 4 Korrik 2025, në Njësinë Administrative Portëz, Fier, u zhvillua takimi informues dhe ndërgjegjësues me komunitetin në kuadër të projektit “Rritja e efiçencës dhe cilësisë së sherbimit nga  Policia e  Shtetit, aktorët lokal dhe komunitetit për viktimat e DHF dhe DHBGJ”, të zbatuar nga organizata Qendra Kombëtare për Shërbime Komunitare (NCCS ). Në takim morën pjesë përfaqësues të Policisë së Shtetit, njësisë vendore, organizatave të shoqërisë civile dhe banorë të zonës. Diskutimet u përqendruan në dhunën në familje dhe atë me bazë gjinore, duke theksuar ndërhyrjen e hershme dhe rolin e Policisë në mbështetjen e viktimave. Pjesëmarrësit u informuan mbi mënyrat e raportimit, kuadrin ligjor dhe mekanizmat për trajtimin e rasteve të dhunës. U nënvizua nevoja për bashkëpunim më të ngushtë ndërinstitucional, rritjen e besimit te qytetarët dhe sigurimin e shërbimeve mbështetëse si strehimi emergjent, ndihma juridike dhe mbështetja psikologjike. Ky aktivitet u zhvillua në kuadër të projektit “Rritja e cilesise se sherbimit për viktimat e DHBGJ” që po zbatohet nga Shoqata QKSHK, grantmarrëse e raundit të parë të Skemës së Granteve.  

Më datë 3 korrik, QSNNN organizoi takim me përfaqësues të komunitetit (gra dhe vajza) në Fushë-Arrëz në kuadër të Projektit Projekti “BESO: së Bashku Veprojmë për Sigurinë e Komunitetit tonë!”. Qëllimi i këtij aktiviteti ishte njohja e grave dhe vajzave me shërbimet policore dhe institucioneve të tjera vendore në lidhje me viktimat e dhunës me bazë gjinore si dhe masat parandaluese ndaj dhunës në familje. Aktiviteti synoi forcimin e marrëdhënieve mes komunitetit dhe policisë së shtetit duke inkurajuar dialogun, bashkëpunimin për sigurinë dhe ndjenjën e mbështetjes së ndërsjellë.  

Një takim ndërgjegjësues u zhvillua në qershor me komunitetin në Njësinë Administrative Mbrostar, Fier nga stafi i organizatës QKSHK/NCCS (Qendra Kombëtare për Shërbimet Komunitare). Në këtë aktivitet morën pjesë përfaqësues të Policisë së Shtetit, punonjës të Njësisë Administrative, përfaqësues të organizatave të shoqërisë civile dhe anëtarë të komunitetit. Takimi kishte në fokus diskutimin e problematikave që lidhen me dhunën në familje dhe dhunën me bazë gjinore, si dhe rolin e policisë në komunitet për identifikimin, parandalimin dhe mbrojtjen në rastet e dhunës. Të pranishmit u informuan mbi procedurat e raportimit dhe rolin e mekanizmave të referimit për viktimat, me theks të veçantë në rëndësinë e bashkëpunimit ndërinstitucional. Gjatë diskutimit u ndanë raste konkrete dhe shqetësime që lidhen me mungesën e raportimit për shkak të pasigurisë apo mungesës së informacionit, si dhe u theksua rëndësia e ndërhyrjes së hershme parandaluese nga ana e policisë dhe institucioneve të tjera vendore. Takimi evidentoi domosdoshmërinë për zgjerimin e shërbimeve mbështetëse për viktimat, përfshirë strehimin emergjent, ndihmën ligjore falas dhe mbështetjen psikologjike. Ky aktivitet u zhvillua në kuadër të projektit “Rritja e cilesise se sherbimit për viktimat e DHBGJ” që po zbatohet nga Shoqata QKSHK, grantmarrëse e raundit të parë të Skemës së Granteve.  

Më datë 26 Qershor 2025, QSNNN organizoi takim me Këshillin Vendor të Sigurisë (KVS) për Strategjinë e Policimit në Komunitet” si pjesë e aktivitetit “Tryezë e rrumbullakët, konsultim dhe koordinim me Këshillin Vendor të Sigurisë (KVS)” në kuadër të Projektit “BESO: së Bashku Veprojmë për Sigurinë e komunitetit tonë!”. Ky aktivitet u zhvillua me pjesëmarrjen z. Limani – Shef i Komisariatit te Policise Pukë, z. Curri – Kryetar i Bashkisë Fushë-Arrëz, z. Bardhoku dhe përfaqësueve të insitucioneve publike Fushë-Arrëzit, shoqërisë civile, biznesit, pjesë e KVS dhe më gjerë. Qëllimi i këtij aktiviteti ishte të forcojë bashkëpunimin mes autoriteteve, shoqërisë civile dhe biznesit në Fushë-Arrëz si pjesë e KVS për përmirësimin e zbatimit të “Strategjisë së Policimit në Komunitet” ne Fushë-Arrëz, duke synuar rritjen e sigurisë publike dhe vendim-marrjes së përbashkët.  

Shoqata “Gender, Paqe e Siguri”, zhvilloi më date 26 Qershor 2025, takimin me grupet e punës të ngritura në kuadër të projektit “Forcimi i Bashkëpunimit dhe Ndërhyrjeve për Parandalimin dhe Adresimin e Dhunës në Familje dhe Dhunës me Bazë Gjinore përmes funksionimit të Mekanizmave Lokale dhe Policimit në Komunitet”. Pjesë e këtij takimi u bënë ofruesit e shërbimeve sociale të njësive administrative Sukth, Manëz dhe Ishëm, Specialistët e Policimit në Zonë (SPZ) dhe administratorët social në Sukth dhe Manëz, punonjësia e Mbrojtjes së Fëmijëve, përfaqësuese e qendrës shëndetësore, si dhe punonjësja pranë Qendrës Komunitare per Shërbime Sociale të Integruara per Familjen në Sukth. Ky takim krijoi mundësinë e diskutimit të rasteve konkrete, por edhe ndarjes së nevojave dhe problematikave që ndeshin ofruesit e shërbimeve gjatë punës së tyre, të lidhura kryesisht me mbivendosjen e detyrave, mungesën e burimeve njerëzore dhe pamjaftueshmërinë e shërbimeve.  

Në kuadër të projektit “Fuqizimi i Mekanizmave Vendore për Përmirësimin e Bashkëpunimit dhe Sigurisë Publike në Qarkun Durrës”, në ambientet e Drejtorisë Vendore të Policisë Durrës, më 26 qershor 2025, u organizua një workshop me oficerët e sigurisë nga shkollat e Durrësit, Shijakut dhe Kavajës dhe përfaqësues nga Drejtoria e Policisë Durrës. Takimi kishte për qëllim diskutimin e praktikave dhe protokolleve aktuale dhe identifikimin e mënyrave për përmirësimin e mekanizmave të komunikimit dhe reagimit në situata që lidhen me sigurinë e nxënësve. U theksua rëndësia e forcimit të rolit të oficerit të sigurisë si një urë bashkëpunimi midis shkollës, Policisë së Shtetit dhe komunitetit si dhe u propozua hartimi e një plani veprimi që do të mbështesë oficerët me trajnime praktike, simulime, shkëmbim përvojash dhe hartim protokollesh për menaxhimin e rasteve të bullizmit, krizave, dhe sjelljeve problematike. Një aspekt i veçantë i këtij angazhimi është ndërtimi i një marrëdhënieje pozitive midis oficerëve të sigurisë dhe nxënësve, përmes takimeve të hapura dhe aktiviteteve ndërgjegjësuese.  

Organizata “Gruaja tek Gruaja” zhvilloi në qershor 2025 një takim me punonjës socialë dhe oficerët e sigurisë së shkollave të qytetit të shkodrës.  Ky takim u organizua në kuadër të projektit “Forcimi i policimit në komunitet përmes mbështetjes së Këshillave Vendore të Sigurisë Publike, Mekanizmave të Referimit dhe përfshirjes së komunitetit.” Aktiviteti kishte si temë diskutimin mbi rolin e oficerëve të sigurisë dhe punonjësve social në sigurimin e fëmijëve në shkolla, praktikat e mira, sfidat dhe nevojën për trajnime të specializuara. U theksua mungesa e një protokolli të qartë reagimi në rast emergjence, si dhe u përmendën si praktika të mira këndet e besimit dhe grupet vullnetare të nxënësve që veprojnë si “patrullë e sigurisë”.  

Më 18-20 qershor 2025, Oficerët e Patrullës së Përgjithshme dhe personeli i Sallës së Komandës dhe Kontrollit të DVP Dibër (Komisariati Policisë Mat dhe Stacioni Policisë Klos) morën pjesë në trajnimin e zhvilluar nga Ekipi i Menaxhimit të Programit SCPA në ambientet e DVP Dibër. Gjatë këtij trajnimi të trajnuarit u njohën si me pjesën teorike ashtu edhe me ushtrimet praktike dhe me punën në grup, duke u fokusuar në filozofinë e Policimit në Komunitet dhe zbatimin e elementeve të saj në punën e përditshme të oficerëve të Policisë së Shtetit. Gjithashtu, atyre iu prezantuan situata/ushtrime praktike për t’u trajtuar dhe zgjidhur prej tyre teksa punuan në grup me synimin për të siguruar masat që duhen marrë në mënyrë proaktive për zbatimin e elementeve të Policimit në Komunitet. Vëmendje e veçantë iu kushtua trajtimit të rasteve të Dhunës në Familje si në aspektin teorik ashtu edhe atë praktik. Me qëllim për të ofruar module trajnimi gjithëpërfshirëse, ekipi i Programit SCPA bashkëpunoi me Qendrën Kundër Ekstremizmit të Dhunshëm, ekspertët e së cilës ofruan  leksione ndërvepruese mbi luftën kundër ekstremizmit të dhunshëm. Praktikat më të mira të BE-së për zbatimin e filozofisë së PK-së u ndanë e shkëmbyen me oficerët e PSH. Në përfundim të këtij trajnimi, oficerët e PSH arrijnë të përmirësojnë njohuritë dhe kapacitetet e tyre për zbatimin e Policimit në Komunitet.  

Më 16 qershor 2025, EKipi i Menaxhimit tëProgramit SCPA organizoi një takim informues me përfaqësues nga Ambasada e Suedisë në Shqipëri, përkatësisht Zëvendës Shefin e Misionit dhe Shefin e Zhvillimit Ndërkombëtar për Bashkëpunim, Z. Erik Illes, dhe Menaxheren e Programit, Znj. Linda Gjermani. Takimi u zhvillua në ambientet e Programit SCPA dhe shërbeu si një përditësim i ofruar nga EMP mbi aktivitetet e projektit të ndërmarra dhe të zbatuara gjatë periudhës janar-qershor 2025 në fushën e policimit në komunitet. Gjatë takimit, përfaqësuesit e EMP-së dhe të Ambasadës Suedeze shkëmbyen informacion mbi mbështetjen e ofruar nga Programi SCPA për PSH-në, bazuar në aktivitetet e planit të punës të miratuar dhe gjetjet dhe rekomandimet përkatëse sipas secilit komponent. Drejtuesi i Ekipit të Programit SCPA, Z. Ansi Shundi, informoi se një informacion më i detajuar mbi aktivitetet e planit të punës të zbatuara do të ofrohet gjatë Mbledhjes së ardhshme të Bordit Drejtues të Palëve të Interesit të Programit SCPA, që do të zhvillohet  në korrik 2025.  

Më 11-13 qershor 2025, Oficerët e Patrullës së Përgjithshme dhe personeli i Sallës së Komandës dhe Kontrollit të DVP Dibër morën pjesë në trajnimin e zhvilluar nga Ekipi i Menaxhimit të Programit SCPA në ambientet e DVP Dibër. Gjatë këtij trajnimi të trajnuarit u njohën si me pjesën teorike ashtu edhe me ushtrimet praktike dhe me punën në grup, duke u fokusuar në filozofinë e Policimit në Komunitet dhe zbatimin e elementeve të saj në punën e përditshme të oficerëve të Policisë së Shtetit. Gjithashtu, atyre iu prezantuan situata/ushtrime praktike për t’u trajtuar dhe zgjidhur prej tyre teksa punuan në grup me synimin për të siguruar masat që duhen marrë në mënyrë proaktive për zbatimin e elementeve të Policimit në Komunitet. Vëmendje e veçantë iu kushtua trajtimit të rasteve të Dhunës në Familje si në aspektin teorik ashtu edhe atë praktik. Me qëllim për të ofruar module trajnimi gjithëpërfshirëse, ekipi i Programit SCPA bashkëpunoi me Qendrën Kundër Ekstremizmit të Dhunshëm, ekspertët e së cilës ofruan  leksione ndërvepruese mbi luftën kundër esktremizmit të dhunshëm. Praktikat më të mira të BE-së për zbatimin e filozofisë së PK-së u ndanë e shkëmbyen me oficerët e PSH. Në përfundim të këtij trajnimi, oficerët e PSH arrijnë të përmirësojnë njohuritë dhe kapacitetet e tyre për zbatimin e Policimit në Komunitet.