Përse policimi në komunitet është i rëndësishëm për popullsinë dhe në veçanti për të rinjtë? Duke qenë një model i ndryshimit organizativ dhe institucional i pranuar në shumicën e vendeve Europiane që kontribuon në përmirësimin e dukshëm të shërbimeve të kryera nga Ministria e Brendshme, Policimi në Komunitet përfaqëson një koncept dhe një medoel modernizimi që ka si objektiv përqasjen e policisë në nevojat e komunitetit. Shiko dokumentin

Policimi i orientuar nga komuniteti (në vijim, policimi në komunitet), në thelb, është një bashkëpunim ndërmjet policisë dhe komunitetit, për të identifikuar dhe zgjidhur problemet e sigurisë së përbashkët. Në këtë paradigmë, policia nuk është “ruajtësi” i vetëm i ligjit dhe rendit, të gjithë anëtarët e komunitetit supozohet të bëhen aleatë aktivë në përpjekje për të rritur sigurinë dhe përmirësuar cilësinë e jetës. Shiko dokumentin

ME FOKUS TË VEÇANTË POLICINË E SHTETIT SHQIPTAR NË BAZË TË LIGJIT PËR MASA NDAJ DHUNËS NË MARRËDHËNIET FAMILJARE DHE KODIT PENAL. Ky manual u realizua nga Qendra Aleanca Gjinore për Zhvillim, në kuadër të projektit “Mbështetja e Qeverisë Suedeze ndaj Ministrisë së Brendshme/Policisë së Shtetit Shqiptar për Policimin në Komunitet. Ky projekt u fi nancua nga SIDA dhe vihet në zbatim nga SIPU në kuadër të Programit “Mbështetja e Qeverisë Suedeze ndaj Ministrisë së Brendshme/Policisë së Shtetit Shqiptar për Policimin në Komunitet”. Shiko dokumentin

Punonjësit e policisë gjatë përmbushjes së detyrave funksionale duhet të tregojnë nivelin më të lartë të etikës, integritetit dhe profesionalizmit, duke u bazuar në aktet ligjore, nënligjore dhe procedurat standarde të punës që normojnë punën dhe aktivitetin e Policisë së Shtetit. Zbatimi dhe demonstrimi praktik i standardeve etike dhe profesionale nga çdo punonjës policie gjatë kryerjes së detyrave, kontribuon në rritjen e përformancës së organizatës së Policisë së Shtetit, si dhe në forcimin e bashkëpunimit dhe besimit reciprok polici – komunitet. Shiko dokumentin

Zhvillimi i partneritete efektive pune me pushtetin lokal, qeverinë qendrore, OJF-të dhe komunitetet me fokus partneritetin me të rinjtë. Ky studim adreson kapacitetet dhe efektivitetin e PSH në lidhje me policimin në komunitet dhe eksploron çështje që kanë të bëjnë me partneritetin e PSh me pushtetin lokal dhe qendror, me shoqërinë civile dhe grupet e interesit dhe me fokus të veçantë partneritetin me të rinjtë, opinionet dhe qëndrimet e tyre. Shiko dokumentin

Ministria e Punëve të Brendshme e Republikës së Shqipërisë ka nisur që në Qershor 2013, një program reforme, me qëllim që të rrisë efikasitetin e Policisë së Shtetit, efektivitetin dhe përputhshmërinë me ligjin dhe praktikat më të mira, duke treguar një interes të konsiderueshëm mbi policimin në komunitet. Shiko dokumentin.

Në përputhje me Strategjinë Suedeze për bashkëpunim për zhvillimin e Shqipërisë për periudhën janar 2009-dhjetor 2012, Qeveria Suedeze po mbështet Qeverinë Shqiptare dhe qytetarët e saj për të arritur rezultate pozitive për të “Siguruar se shoqëria civile në Shqipëri ka akses më të madh në një sistem policor më të sigurt ligjërisht dhe më efiçient, i cili është nën kontrollin e qytetarëve dhe është subjekt monitorimi prej tyre”. Shiko dokumentin

Dhuna në familje është një fenomen mbarëbotëror, i cili ndikon negativisht në integritetin fizik, psikologjik, ekonomik dhe social, sidomos të pjesës më të ndjeshme të shoqërisë: grave, fëmijëve dhe të moshuarve. Ky fenomen, i cili shkaktohet nga faktorë të ndryshëm, si: ndikimi kulturor me rrënjë të thella në traditat e vjetra patriarkale, situatat jetësore jo të shëndosha, diskriminimi gjinor, papunësia, kontrolli ndërbreznor në familje etj.; përbën një shqetësim në rritje për shoqërinë shqiptare, qeverinë dhe shoqatat civile, si dhe donatorët e huaj të cilët operojnë në vend. Shiko dokumentin