Dhuna në familje është një fenomen mbarëbotëror, i cili ndikon negativisht në integritetin fizik, psikologjik, ekonomik dhe social, sidomos të pjesës më të ndjeshme të shoqërisë: grave, fëmijëve dhe të moshuarve. Ky fenomen, i cili shkaktohet nga faktorë të ndryshëm, si: ndikimi kulturor me rrënjë të thella në traditat e vjetra patriarkale, situatat jetësore jo të shëndosha, diskriminimi gjinor, papunësia, kontrolli ndërbreznor në familje etj.; përbën një shqetësim në rritje për shoqërinë shqiptare, qeverinë dhe shoqatat civile, si dhe donatorët e huaj të cilët operojnë në vend. Shiko dokumentin

Drejtoria e Përgjithshme e Policisë së Shtetit përfshin policinë e rendit publik, policinë e hetimit të krimit, policinë kufitare, policinë e trafikut rrugor, njësitë e forcave speciale dhe të ndërhyrjes së shpejtë dhe drejtoritë e personelit, logjistikës dhe buxhetit. Janë 12 Drejtori Policie në nivel qarku, 43 komisariate dhe 8 Drejtori Rajonale të Kufirit dhe Migracionit. Inspektorët e zonës janë ata që janë të vendosur më afër komunitetit dhe marrin përgjegjësi të përditshme sipas aktiviteteve të policimit në komunitet në terren. Ata janë lidhja direkte me kryetarin e bashkisë ose komunës dhe gjithashtu marrin pjesë, kur u kërkohet, në takimet lokale që organizohen në kuadër të policimit në komunitet……. Shiko Dokumentin

Studimi për viktimat e krimit të dhunës në familje dhe sulmeve seksuale është një punë e përbashkët e stafit të Linjës së Këshillimit për Gra dhe Vajza, ekspertëve dhe konsulentëve të qendrës tonë në nivel akademikësh. Ky studim merr parasysh faktin se të dhënat mbi dhunën në familje janë të nevojshme për realizimin e hapave të mëtejshëm në këtë kontekst për zhvillimin e planit të veprimit për të ndërhyrë në rastet e dhunës në familje. Shiko dokumentin