Në datat 5-7 Mars 2025, Oficerët e Patrullës së Përgjithshme dhe personeli i Sallës së Komandës dhe Kontrollit të Komisariateve të Policisë së Lushnjës dhe Divjakës morën pjesë në trajnimin për Policimin në Komunitet të zhvilluar nga Ekipi i Menaxhimit të Programit SCPA në ambientet e Komisariatit të Policisë Lushnjë. Të trajnuarit gjatë trajnimit u njohën si me pjesën teorike ashtu edhe me ushtrimet praktike dhe me punën në grup, duke u fokusuar në filozofinë e Policimit në Komunitet dhe zbatimin e elementeve të saj në punën e përditshme të oficerëve të Policisë së Shtetit. Gjithashtu, atyre iu prezantuan situata/ushtrime praktike për t’u trajtuar dhe zgjidhur prej tyre teksa punuan në grup me synimin për të siguruar masat që duhen marrë në mënyrë proaktive për zbatimin e elementeve të Policimit në Komunitet. Me qëllim për të ofruar module trajnimi gjithëpërfshirëse, ekipi i Programit SCPA bashkëpunon me Qendrën Kundër Ekstremizmit të Dhunshëm, ekspertët e së cilës ofrojnë leksione ndërvepruese mbi luftën kundër esktremizmit të dhunshëm. Praktikat më të mira të BE-së për zbatimin e filozofisë së PK-së u ndanë e shkëmbyen me oficerët e PSH. Në përfundim të këtij trajnimi, oficerët e PSH arrijnë të përmirësojnë njohuritë dhe kapacitetet e tyre për zbatimin e Policimit në Komunitet.  

Më 12 mars 2024, Programi SCPA organizoi një konferencë të nivelit të lartë me temë “Policimi në Komunitet dhe Siguria në Komunitete” në bashkëpunim me përfituesit e tij kryesorë dhe dytësorë dhe palë të tjera të interesuara përkatëse. Në konferencë morën pjesë Ministri i Brendshëm Z. Ervin Hoxha, Zëvendës Ministrja e Brendshme znj. Romina Kuko, Zëvendësministrja e Ministrisë së Arsimit dhe Sportit znj. Orjana Osmani, Drejtori i Përgjithshëm i Policisë së Shtetit Z. Ilir Proda, Z. Erik Illes, Shefi i Zhvillimit të Bashkëpunimit Ndërkombëtar në Ambasadën e Suedisë dhe Ekipi i Menaxhimit të Programit SCPA. Konferenca mblodhi së bashku palët e interesuara përgjegjëse dhe të përfshira në sigurimin e rendit dhe sigurisë publike për komunitetet. Gjithashtu, të pranishëm në konferencë ishin drejtues të lartë dhe/ose përfaqësues nga Policia e Shtetit, Akademia e Sigurisë, Ministria e Brendshme, Ministria e Shëndetësisë dhe Mbrojtjes Sociale, Ministria e Arsimit dhe Sportit, Shoqata për Autonominë Vendore, Bashki të ndryshme, struktura të qeverisjes vendore, partnerë ndërkombëtarë, organizata të shoqërisë civile, OJF, Punonjës të Policisë për Punën dhe Edukimin me të Rinjtë dhe Oficerë të Sigurisë në Shkollave. Një përmbledhje e programit SCPA me fokus në aktivitetet, objektivat dhe prioritetet e tij u prezantua në konferencë nga z. Ansi Shundi, Drejtues i Ekipit të Programit SCPA. Gjatë konferencës palët përkatëse të interesuara theksuan rëndësinë e koordinimit dhe bashkëpunimit ndërinstitucional në nivel qendror dhe lokal për të ofruar siguri për komunitetet në përgjithësi dhe në veçanti për të ofruar mjedise të sigurta për nxënësit në shkolla. Konferenca përfundoi me nënshkrimin e Marrëveshjes së Grantit ndërmjet Qeverisë së Suedisë dhe Qeverisë së Shqipërisë lidhur me Fazën e Tretë të Programit “Forcimi i Policimit në Komunitet në Shqipëri”.  

Ekpi i Menaxhimit të Programit SCPA së bashku me ekspertë të Ministrisë së Brendshme dhe ASPA (Shkolla Shqiptare e Administratës Publike) nisën një trajnim 5-ditor drejtuar personelit të Drejtorisë së Standardeve Profesionale (DSP) me temë “Forcimi i Integritetit dhe Përmirësimi i Vlerësimit të Performancës në Policinë e Shtetit”. z. Ansi Shundi, Drejtues i Ekipit të Programit SCPA dhe Drejtor i Drejtorisë së Standardeve Profesionale, z. Dhimitraq Ziu i uruan mirëseardhjen pjesëmarrësve në trajnim. Së bashku me lektorët ata ndanë pikëpamjet e tyre se si një trajnim i tillë mund të mbështesë personelin e DSP-së për të rritur kapacitetet e tyre dhe për të përmirësuar aftësitë e tyre në përmbushjen e detyrave të tyre të përditshme në secilin sektor përkatës brenda DSP-së. Programi i trajnimit është hartuar për të forcuar kapacitetin e drejtorisë për të mbikëqyrur, vlerësuar dhe mbështetur në mënyrë efektive strukturat qendrore dhe vendore të policisë dhe përfshin module teorike dhe ushtrime praktike në grup. Ai u siguron pjesëmarrësve një kombinim të njohurive teorike, mjeteve praktike dhe parimeve etike të përshtatura për përgjegjësitë e tyre specifike. Theksi në zhvillimin e aftësive përfshin fusha të tilla si vlerësimi i performancës, menaxhimi i ankesave dhe procedurat disiplinore, të cilat të gjitha janë thelbësore për sigurimin e transparencës, drejtësisë dhe efikasitetit brenda kornizës së policisë. Lektorët në bashkëpunim me pjesëmarrësit në trajnim gjatë këtyre pesë ditëve do të fokusohen në shkëmbimin e praktikave më të mira dhe shkëmbimin e përvojave për tema dhe fusha të tilla si kuptimi i standardeve, kritereve dhe procedurave institucionale dhe individuale për vlerësimin e performancës; promovimi i standardeve etike individuale dhe institucionale për të forcuar transparencën dhe llogaridhënien; rritjen e aftësive ndërpersonale dhe teknike për të përmirësuar inspektimet dhe menaxhimin e ankesave; vënia në zbatim e një qasje analitike dhe bashkëpunuese për të përmirësuar veprimet dhe performancën e DSP-së. Qasja gjithëpërfshirëse e trajnimit do të ndihmojë në fuqizimin e personelit të DSP-së për të adresuar sfidat komplekse, për të marrë vendime të informuara dhe për të zbatuar masa që rrisin performancën dhe reputacionin e përgjithshëm të Policisë së Shtetit. Në fund të trajnimit pjesëmarrësit pajisen me certifikatë pjesëmarrjeje.    

Ekipi i Menaxhimit të Programit SCPA vijon të zhvillojë trajnimet mbi zbatimin e Policimit në Komunitet gjatë javës së 1-rë, 2 -të dhe 3-të të muajit shkurt 2025 në DVP Tiranë. Trajnimi treditor iu drejtua 75 Oficerëve të Patrullës së Përgjithshme (OPP) dhe personelit të Sallës së Komandës dhe Kontrollit (SKK) nga 7 Komisariatet e Policisë së DVP Tiranë dhe të Komisariatit të Policisë Krujë. Të trajnuarit gjatë trajnimit u njohën si me pjesën teorike ashtu edhe me ushtrimet praktike dhe me punën në grup, duke u fokusuar në filozofinë e Policimit në Komunitet dhe zbatimin e elementeve të saj në punën e përditshme të oficerëve të Policisë së Shtetit. Gjithashtu, atyre iu prezantuan situata/ushtrime praktike për t’u trajtuar dhe zgjidhur prej tyre teksa punuan në grup me synimin për të siguruar masat që duhen marrë në mënyrë proaktive për zbatimin e elementeve të Policimit në Komunitet. Me qëllim për të ofruar module trajnimi gjithëpërfshirëse, ekipi i Programit SCPA bashkëpunon me Qendrën Kundër Ekstremizmit të Dhunshëm, ekspertët e së cilës ofrojnë leksion ndërveprues mbi luftën kundër esktremizmit të dhunshëm. Praktikat më të mira të BE-së për zbatimin e filozofisë së PK-së u ndanë e shkëmbyen me oficerët e PSH. Në përfundim të këtij trajnimi, oficerët e PSH arrijnë të përmirësojnë njohuritë dhe kapacitetet e tyre për zbatimin e Policimit në Komunitet.  

Më 31 Janar 2025, Ministria e Brendshme e Shqipërisë organizoi një konferencë në bashkëpunim me Këshillin Kombëtar të Sigurisë në Komunitet, me mbështetjen e programit Suedez SCPA. Gjatë këtij eventi u prezantuan rezultatet e Anketës së 6-të Kombëtare mbi Kënaqësinë e Publikut ndaj Punës së Policisë. Qëllimi i anketës ishte vlerësimi i perceptimeve të publikut për performancën e Policisë së Shtetit (PSH) në mbarë vendin, duke ofruar një pasqyrë të qartë mbi efektivitetin, profesionalizmin dhe qasjen e saj ndaj qytetarëve. Të dhënat e mbledhura evidentuan si pikat e forta, ashtu edhe fushat që kërkojnë përmirësim, duke ndihmuar PSH-në të përmirësojë cilësinë e shërbimit dhe të forcojë marrëdhëniet me komunitetin. Gjatë konferencës, Kryeministri z. Edi Rama, Ministri i Brendshëm z. Ervin Kuko dhe Drejtori i Përgjithshëm i Policisë së Shtetit z. Ilir Proda ndanë mendimet e tyre mbi rezultatet e anketës. Në këtë aktivitet morën pjesë gjithashtu përfaqësues të lartë nga Suedia, përfshirë Ambasadorin e Suedisë, Kreun e Bashkëpunimit për Zhvillim dhe Menaxheren e Programit SCPA nga Ambasada Suedeze. Në konferencë ishin të pranishëm të gjithë anëtarët e Këshillit Kombëtar të Sigurisë në Komunitet, së bashku me drejtues të lartë të PSH-së dhe aktorë kryesorë në fushën e sigurisë. Anketa u realizua nga kompania IDRA, një kompani e specializuar për sondazhet e opinionit. Rezultatet e plota të anketës mund të aksesohen në këtë link: [Linku]  

Ekipi i Menaxhimit të Programit SCPA inicioi një seri trajnimesh për zbatimin e Policimit në Komunitet  në DVP Durrës për t’u shtrirë në total në 10 DVP të Policisë së Shtetit. Trajnimi i drejtohet Oficerëve të Patrullës së Përgjithshme (OPP) dhe personelit të Sallës së Komandës dhe Kontrollit (SKK). Ky trajnim kombinon si ushtrimet teorike ashtu edhe ato praktike si edhe punën në grup, duke u fokusuar në filozofinë e Policimit në Komunitet dhe zbatimin e elementëve përkatës në rutinën e përditshme të punonjësve të Policisë së Shtetit. Gjatë këtij trajnimi, oficerët e PSH dhe EMP e Programit SCPA mund të diskutojnë dhe shkëmbejnë eksperiencë mbi detyrat dhe përgjegjësitë kryesore të OPP dhe stafit të SKK, bashkëpunimin e policisë me komunitetin dhe strukturat e tjera të përfshira për të trajtuar dhe gjetur mënyra për të përmirësuar zbatimin e Policimit në Komunitet. Të trajnuarve u prezantohen situata/ushtrime praktike për t’u trajtuar dhe zgjidhur prej tyre teksa punojnë në grup me synimin për të siguruar masa që duhen marrë në mënyrë proaktive për zbatimin e elementeve të Policimit në Komunite. Gjatë ushtrimeve të tilla, pjesëmarrësit kanë mundësinë të ndajnë përvojën e tyre, të diskutojnë dhe të japin zgjidhje për situatat e paraqitura. Përveç kësaj, ata janë në gjendje të marrin reagime nga EMP për trajtimin e situatës dhe zgjidhjet e ofruara prej tyre duke shkëmbyer përvojën dhe shkëmbimin e praktikave më të mira të organizatave të tjera policore të BE-së. Me realizimin e suksesshëm të trajnimit, oficerët e PSH rrisin njohuritë dhe kapacitetet e tyre për zbatimin e PK. Trajnimi i parë tre-ditor, i zhvilluar më 22-24 janar 2025, do të pasohet nga trajnime të tjera në DVP Durrës, Tiranë dhe Fier gjatë tremujorit të parë të vitit 2025.  

Në kuadër të aktiviteteve të planit të punës së Programit SCPA, Koordinatori i EMP-së organizoi një seminar me temën “Përvojat dhe metodat efektive të realizimit të fushatave ndërgjegjësuese në shkolla” drejtuar Ndihmës Specialistëve të Policimit në Komunitet për Edukimin dhe Punën me të Rinjtë në Policinë e Shtetit, i zhvilluar në datat 19 dhe 20 dhjetor 2024 në ambientet e Akademisë së Sigurisë. Ai u fokusua në analizën e punës së kryer nga NSPK për Edukimin dhe Punën me të Rinjtë në drejtim të realizimit të fushatave ndërgjegjësuese në shkolla gjatë viteve 2023 – 2024 bazuar në komentet e Forumit online të NSPK dhe në diskutimet gjatë seminarit. Gjithashtu, seminari shërbeu për rigjallërimin e rolit të NSPK për Edukimin dhe Punën me të Rinjtë dhe u fokusua në identifikimin e nevojave për trajnim të NSPK për Edukimin dhe Punën me të Rinjtë të sapoemëruar në detyrë. Gjatë seminarit, Eksperti dhe Koordinatori i EMP të SCPA ndau dhe shkëmbeu përvojat me pjesëmarrësit për realizimin e suksesshëm të fushatave ndërgjegjësuese me të rinjtë në shkolla në përgjithësi dhe u fokusua veçanërisht në modulet e trajnimit për luftën kundër përdorimit të drogës. alkoolit dhe duhanit. Në fund të seminarit, pjesëmarrësve iu shpërndanë materialet e vizibilitetit/fletushka të prodhuara nga Programi SCPA për modulet e lartpërmendura të trajnimit për t’u shpërndarë nëpër shkolla gjatë periudhës Janar – Mars 2025 me qëllim ndërgjegjësimin e të rinjve për këto tematika specifike. U ra dakord që në përfundim të fushatave ndërgjegjësuese të kryhet një analizë e punës së NSPK për Edukimin dhe Punën me të Rinjtë duke u fokusuar në prioritetet, problemtaikat dhe sfidat e hasura gjatë fushatave të ndërgjegjësimit e punës së tyre të përditshme.

Më 18 dhjetor 2024, Programi SCPA organizoi takimin e parë të Këshillit Drejtues me pjesëmarrjen e palëve të ndryshme të interesit. Mbledhja e Këshillit Drejtues u bashkëkryesua nga Z. Rebani Jaupi, Drejtor i Departamentit për Rendin dhe Sigurisë Publike në Policinë e Shtetit dhe Zëvendës Shef i Misionit dhe Drejtues për Zhvillimin për Bashkëpunim në Ambasadën e Suedisë në Tiranë z. Erik Illes. Në takim morën pjesë drejtues të Policisë së Shtetit në fushën e sigurisë publike dhe trajnimit policor, përfaqësues nga Ministria e Arsimit dhe Sportit, Ministria e Shëndetësisë dhe Mbrojtjes Sociale dhe Agjencia për Mbështetjen e Shoqërisë Civile. Drejtori i Departamentit për Rendin dhe Sigurinë Publike në Policinë e Shtetit, z. Rebani Jaupi shprehu vlerësimin e tij për arritjen e dy fazave të mëparshme të Programit dhe theksoi se PSH mirëpret zhvillimin e mëtejshëm në fazën e tretë të Programit. Ai vuri në dukje faktin se Qeveria Suedeze nëpërmjet Programit SCPA ka mbështetur për shumë vite Policinë e Shtetit përmes aktiviteteve të saj, asistencës teknike dhe dhurimit të pajisjeve moderne teknike, rikonstruksionit të ambienteve policore, softuerve të avancuar duke forcuar bashkëpunimin me aktorët e komunitetit dhe duke rritur kapacitetet policore në ofrimin e shërbimeve të shpejta, efikase dhe transparente. PSH është e gatshme të zbatojë aktivitetet e përfshira në Raportin e Fazës Fillestare dhe mbetet plotësisht e angazhuar për të arritur rezultatet e pritshme. Erik Illes, Zëvendës Shefi i Misionit të Ambasadës së Suedisë, përmendi se Suedia ka qenë një partner afatgjatë në Shqipëri për bashkëpunim dhe zhvillim ndërkombëtar në fushat e demokracisë, të drejtave të njeriut, të sigurisë publike dhe shërbimeve të ofrura ndaj publikut. Ai theksoi faktin se Qeveria Suedeze  mirëpret partneritete dhe angazhim më të fortë me PSH jo vetëm në fushën e Policimit në Komunitet, por edhe në Hetimin e Vendngjarjes dhe Dhunën Seksuale dhe me Bazë Gjinore. Ai vlerësoi partneritetet e institucioneve të tjera përkatëse të përfshirë në zbatimin e Programit të Policimit në Komunitet, veçanërisht shoqërinë civile.Qeveria Suedeze si financuese e programit mirëpret zhvillimin e mëtejshëm të aktiviteteve të Programit SCPA nëbashkëpunim me Policinë e Shtetit. Drejtuesi i Ekipit të Programit SCPA Z. Shundi paraqiti një përmbledhje të komponentëve dhe aktiviteteve të fushave të ndërhyrjes të programit dhe shprehu vlerësimin e tij për angazhimin e PSH dhe të gjithë aktorëve të tjerë përkatës në mbështetje të zbatimit të aktiviteteve të programit. Takimi përfundoi me miratimin unanim të Raportit Fillestar dhe Planit të Punës të Programit SCPA. Të gjithë palët e interesuara shprehën vlerësimin e tyre për bashkëpunimin e frytshëm dhe të suksesshëm me Programin dhe shprehën vullnetin e tyre për bashkëpunim dhe angazhim të mëtejshëm.  

Në kuadër të aktiviteteve të Programit SCPA, përkatësisht “Mbështetja e funksionimit të Këshillave Vendorë të Sigurisë Publike”, Ekspertja pwr Monitorimin dhe Vlerësimin e EMP-së, znj. Eldisa Zhebo mori pjesë në takime me Strukturat e Rendit dhe Sigurisë Publike të Qarqeve të Durrësit dhe Fierit, më 10 dhjetor 2024. Pas miratimit të Vendimit të KM nr. 678, datë 30.10.2024 për ““Për përbërjen, rregullat më të hollësishme të organizimit, funksionimit të Këshillave Vendorë të Sigurisë Publike (KVSP) dhe Këshillit Kombëtar të Sigurisë në Komunitet”, u organizuan dy takime, përkatësisht në qarqet Durrës dhe Fier. Takimi i parë u organizua në Qarkun e Durrësit me pjesëmarrjen e përfaqësuesve nga Prefektura e Qarkut Durrës, Bashkitë Durrës, Shijak dhe Krujë, dhe Komisariatet përkatëse të Policisë së Shtetit. Takimi i dytë u organizua në Qarkun e Fierit me përfaqësues nga Ministria e Brendshme, DVP Fier, Komisariatet përkatëse të Policisë dhe Bashkitë Fier, Mallakastra, Patos dhe Lushnje. Gjatë këtyre dy takimeve u theksua rëndësia e themelimit të KVSP-ve. EMP-ja e Programit SCPA do të vazhdojë të mbështesë ngritjen dhe funksionimin e KVSP-ve së bashku me ndërtimin e kapaciteteve për anëtarët e KVSP-ve dhe personelin e PSH-së dhe gjithashtu do të kryejë një vlerësim të funksionimit dhe qëndrueshmërisë së KVSP-ve. Në fund të takimit, të gjitha palët shprehën vlerësimin e tyre për bashkëpunimin dhe mbështetjen e ofruar deri më sot nga partnerët ndërkombëtarë dhe interesin e tyre për vazhdimësinë e një bashkëpunimi të tillë të dobishëm.